Ngelajakh kindo lain
Kinandi nyak diguyu
Tabik pukhwatin saunyin
Sikam nyekhahkon maju
Khamik kabakh sanggulan
Diusung pulng lunik
Ana mantumo minan
Tawai ya betik betik
Jak makkah mit madinah
Singgah pai mit malaka
Nawai dang sedalih makhah
Kenyin mangsa khusia
Kenyin mangsa khusia
Ki tawai mona betik
Ulih iya mak sekula
Maklumya jakhma sakik
Jadi khena do minan
Kisahko jama maju
Khadupai penyekhahan
Sikam pai nawai maju
Kakemon dipa pumpon
Mata mata di tengah
Kikkhadu mit di holon
Kelakuan tikhubah
Angok angok lakumo
Ki khadu bulambanan
Ki tiyan nawai niku
Dang jahat ketekhian
Kiwat hanekan cutik
Bagi bagi do tiyan
Campakko niku nganik
Asal tiyan kapakhean
Ngelawan hulun tuha
Dangsampai haga satekhu
Niku dang siya siya
Ngandannkon puakhimo
Niku dang biyak banguk
Jama ahli wakhimo
Culuk dang puakuk akuk
Kiwat haga ngangkilu
Niku ngajong mak jawoh
Tutuk tawaini puakhi
Ngajong dang ngajong gawoh
Puakhini ti suwi
Puakhini tisuwi
Hunjak ki mantuha
Dang muat hati hati
Kantubang mak buguna
Nyak mahap ngalim pukha
Maju dang salah hati
Sekian haku ganta
Wassalam diakhir ne